Rabu, 27 April 2011

REHAT MINDA

EKAU BUKAN NINJA
oleh Ujang Budak Minang pada pada 28hb April 2011 pukul 8.36 pagi
 
SATU AGHI TU LA KAN...ADO SOGHANG PEMUDO YANG SODANG MENGEMBARA KO SEGHATO PELUSUK DUNIO.TUJUAN EY IOLAH MENCARI KOBENARAN.KOBENARAN APO YANG DI CAGHIK EY KAMALMOHDNOR PUN TAK TAU.APO LAIE LAH KITO.NAK DI JADI KAN CEGHITO TETIBO GHOSAK LA KETO EY KEK DOPAN LOBAI SAHAK.LOPEH MEMBOGHI SALAM TIGO KALI LOBAI SAHAK PUN KELUA MENANYOKAN MASALAH EY.PEMUDO TU PUN MONGADU LA MASALAH EY KEK LOBAI SAHAK.MAKO LOBAI SAHAK PUN MOREPAIR KETO PEMUDO ITU ,SPONSOR DIO MAKAN MALAM DAN LEPAK KEK GHUMAH EY SAGHI.TETONGAH MALAM MASO OGHANG LAIN TONGAH TIDO...PEMUDO TU TEDONGA BUNYI BISING.DUO TIGO KALI DEH TEBONGKA DAN TAK DAPEK TIDO.SOK PAGI EY SEBOLUM DIO BETOLAK MENINGGAAN GHUMAH LOBAI SAHAK ...DIO PUN BETANYO `APO ULEK EY YANG BEMBISING TETONGAH MALAM KEK GHUMAH TUAN LOBAI NI...TAK DAPEK TIDO SEY DI BUEK EY`TEY.LALU JAWAP LOBAI SAHAK `DEN TAK BULIH BAGITAU KAU..SOBAB EKAU BUKAN NINJA`.BEKOGHUT KONING PEMUDO TU MOMIKEY AN NYO...TOMPI DIO MALEH NAK AMBIK TAU BONA  SOBAB DIO ADO KOJO LAIN NAK BUEK.

 SOLANG BEBEGHAPO TAHUN SEKALI LAIE PEMUDO TU MOLINTEH DOPAN GHUMAH LOBAI SAHAK...KETO EY GHOSAK YO LAIE MACAM DULU.LOBAI SAHAK LAK CANTU YO LAYANAN EY.DI REPIR AN NYO KETO EY....PEHTU DI MASAK AN NYO NASIK DAN DI BOGHI EY TOMPEK TIDO.MALAM TU LAIE SEKALI DIO NONGA BUNYI BISING MACAM YANG PONAH DI DONGA EY BEBEGHAPO TAHUN YANG LALU.TAK YO DAPEK LOLAP LAIE DEH MALAM TU.PEPAGI ESOK EY DIO BETANYO LAIE KEK LOBAI SAHAK.APO NAMEY EY YANG BEMBISING KEK GHUMAH EY MEMALAM TU.MACAM TAHUN SUDAH JUGAK LOBAI SAHAK MENJAWAP `DEN TAK BULIH  BAGITAU KAU SOBAB EKAU BUKAN NINJA`.TEGHASO BONGIH LA PULAK PEMUDO TU LANSUNG DI KOBAANNYO...`CENIA LA....TOLONG LA KOBAAN KEK DEN CEMANO NAK JADI NINJA NI...POLAK LAK NYAO DEN GHASO EY NONGA JAWAPAN YANG SAMO TU`.MAKO KATO LOBAI SAHAK `EKAU POI LA MENGEMBARO KE SEGHATO PELUSUK ALAM NI...EKAU KIGHO LA BEGHAPO GHUMPUT YANG ADO KEK MUKO BUMI NI....NESCAYO EKAU AKAN MENJADI NINJA`.LALU POIE LA PEMUDO TU DONGAN BONGIH EY DAN DIO PUN STAT LA MENGIGHO GHUMPUT YANG ADO KEK SEGHATO ALAM NI.

BEBEGHAPO TAHUN KOMUDIAN SAMPAI LA DIO KOGHUMAH LOBAI SAHAK DONGAN KUSUT MASAI EY.KETO EY PUN DAH TAKDO LAIE..KASUT .EY PUN DAH TINGGA SEBOLAH...DUIT EY LANSUNG TAKDO.MAKAN PUN APO YANG SAMPAI KO MULUT YO LAH.SETOLAH BAGI SLAAM TIGO KALI....LOBAI SAHAK PUN KELUA.`DAH DAPEK KIGHO LOM` TANYO LOBAI SAHAK.`DAH....TEY DIO...SUMO EY ADO 1738435,4730535,05-2983746%r4E9U LIUN`.MAKO SONYUM LAH LOBAI SAHAK....`EKAU SEKARANG ADOLAH SEOGHANG NINJA `KATEY DIO.LALU DI BOGHI EY PEMUDO TU SOBUAH ANAK KUNCI.`KAU POIE BUKAK PINTU BILIK KEK BLAKANG TA...NANTI EKAU TAU LA APO BUNYI BISING YANG EKAU DONGA MEMALAM TU`.

MAKO PEMUDO TU PUN BUKAK LAH PINTU BILIK TU.SEBALIK PINTU BILIK TU ADO PINTU BOSI...DI BUKAK EY PINTU BOSI..ADO PINTU BATU...DI BUKAK EY PINTU BATU...ADO PINTU TEMBAGO...DI BUKAK EY PINTU TEMBAGO ...ADO PINTU PEGHAK...DI BUKAK EY PINTU PEGHAK ..ADO PINTU OMEH...DI BUKAK EY PINTU OMEH....LANSUNG TEGOLAK YO DEH.EKAU TAU APO YANG DIO NAMPAK ? `DEN TAK BULIH BAGITAU KAU...SOBAB EKAU BUKAN NINJA



 
Gamba hiasan kelepet daghi potopages Akashah Abu samah
 

Tiada ulasan:

Catat Ulasan